Көріну деңгейі төмен және тәуліктің қараңғы уақытында балалардың қауіпсіздігіне ерекше назар аударылды. Жолға шығар алдында және тасымалдау барысында оқушыларға автобустағы қауіпсіздік ережелері, автобусқа отыру және одан түсу тәртібі, тәртіп сақтау және жауапты педагогтердің талаптарын орындау қажеттілігі түсіндірілді.

Оқушыларды тасымалдау бекітілген кестеге сәйкес жауапты педагогтердің сүйемелдеуімен жүзеге асырылды.

Сонымен қатар, оқушыларға төмендегі қауіпсіздік ережелерін сақтау қажеттілігі ескертілді:

-көлікті тек белгіленген аялдау орындарында күту;

-автобусты күту кезінде жолдың жүріс бөлігіне жақындамау;

-автобусқа отыру және одан түсу кезінде сақтық таныту;

- тәуліктің қараңғы уақытында киімдері мен мектеп сөмкелеріне жарық шағылыстырғыш элементтерді тағу;

-жолды тек қауіпсіз және рұқсат етілген жерлерден, жақындап келе жатқан көліктің жоқ екеніне көз жеткізгеннен кейін ғана кесіп өту.