«Біз бақытты баламыз»
Бүгін, 2 маусым күні, Социалистік Еңбек Ері Есім Шайкин атындағы мектеп-лицейде «Біз бақытты баламыз» атты жазғы сауықтыру алаңының салтанатты ашылуы өтті.
Іс-шара барысында оқушылар көтеріңкі көңіл күймен түрлі ойындарға қатысып, қызықты бағдарламаларды тамашалады. Ашылу салтанаты балаларға мерекелік көңіл сыйлап, жазғы демалыстың жарқын басталуына жол ашты.
Сауықтыру алаңының негізгі мақсаты – оқушылардың жазғы демалысын тиімді ұйымдастыру, олардың шығармашылық қабілеттерін дамыту, денсаулықтарын нығайту және бос уақыттарын қызықты әрі пайдалы өткізуіне жағдай жасау.
Алдағы уақытта балаларды спорттық жарыстар, танымдық сабақтар, шығармашылық байқаулар, көңілді ойындар мен тәрбиелік іс-шаралар күтуде.
Барша бүлдіршіндерге көтеріңкі көңіл күй, жарқын әсерлер мен қызықты демалыс тілейміз! Жазғы демалыстарыңыз қуанышқа, достыққа және жаңа жетістіктерге толы болсын!
Дата публикации: 02.06.2026